２0０2年９月１1日 （星期三）

今日好唔開心呀∼本身今日上船玩架‥但係點知掛８號風球，冇得去呀∼要等聽日呀！晏就Ｄ手提電話又打唔到，初頭以為係我部電話問題，原來我Ｄ ｆd都係咁呀‥＞＜ 仲有呀‥同Ｄ ｆd食完飯之後ｏ係市中心等輕鐵，點知等左幾個字都冇車，其他月台都係咁‥之後咁岩見到我老豆，跟住就一齊行路返屋企喇！經過〝客戶服務中心〞，我老豆去問Ｄ人點解冇車，原來唔知邊喥‘林’樹，壓住路軌‥所以搞到Ｄ輕鐵行唔到過黎。唉！總之今日我就黑仔係啦！＞＜ 我仲有１個星期就生日喇∼卡卡‥︿︿ 正日果日Ｄ ｆd黎我屋企慶祝呀！我媽咪又訂左蛋糕喎∼ｋeｋe”好想快Ｄ到果日呀！︿︿ 呢排唔係咁得閒呀∼所以可能會幾日先打一次日記。我點解咁唔得閒？哈哈∼〝秘密〞！卡卡卡‥︿︿

２0０2年９月9日 （星期一）

呢排唔得閒打日記呀．．．遲Ｄ先打啦！

２0０2年９月8日 （星期日）

晏就1點半，阿古打電話黎‥話一齊去４b。我仲以為係阿Ｍiｕ打電話比我添∼因為咁岩我又係叫佢１點半打比我叫醒我起身。我同阿古去左１9０先（我以前返工間Ｍ記）‥之後再等阿Ｍiｕ黎。去到１9０真係見到我老公仔呀！又見返佢著制服個ｌoｏk喇∼ｋeｅ‥仲有見返好多以前Ｄ同事仔∼佢地真係長情喇‥ｏ係１9０可以做咁耐，事關我係做得唔開心先唔做ｏ既！都唔明１9０有咩好！ 阿Ｍiｕ到左之後，我地一齊上去ｃrｅwｒoｏm陪阿Ｍiｕ拎衫∼同埋順便去搵老公仔‥佢果陣ｔaｋe緊ｂrｅaｋ。ｃrｅwｒoｏm都冇咩大轉變，不過入面勁亂囉！本身阿哥話一齊去４b架‥但係佢後來打電話黎‥話唔去喎。我都唔知道佢係咪搵藉口話唔去∼不過‥算啦∼＞＜ 今日用左三十幾蚊打機呀∼阿古‘禁’住我唔比我再‘唱’＄呀‥不過我唔聽佢講喔∼哈！今日運氣好差呀‥自己又冇咩心情玩喎！唉‥＞＜ 今晚唔知做咩呀‥冇啦啦諗返起Ｄ唔開心野‥之後就喊嚕！唉‥點解我會咁架‥‥！？＞＜

２0０2年９月7日 （星期六）

今日竟然比我預期中早左起身喎∼訓到１點半左右就起左身嚕！今日都係勁ｄoｗnｌoａd返晒Ｄ歌啦！始終都係用唔慣呢部電腦呀‥好似好怪咁，都係鍾意之前果部多Ｄ姐！４點半左右，接到ｗiｎnｉe電話‥佢話岩岩收工，想黎我屋企。哈哈∼岩晒啦！果陣我咁悶，有佢黎陪我就唔悶啦！卡卡‥︿︿ 原來我冇同佢講到我打爛左佢送比佢隻杯架‥我仲以為講左比佢知，今日提返‥佢話我冇同佢講過呀！果隻ＰC狗杯係我細個生日ｗiｎnｉe送比我架！用左幾年架‥點知上年就比我唔小心打爛左嚕！＞＜ 總之唔講佢知啦‥搞到佢好似唔係咁開心咁‥ｋeｅ∼之後佢同我講返〝果晚〞Ｄ野‥原來〝果晚〞佢都ｏ係喥架！佢講返佢〝果晚〞所眼見ｏ既野‥聽到之後完全係‘慶’囉∼但係我話過唔會再理呢Ｄ事架喇！ ７點左右佢就走左嚕！人地同老公去食Ｂ仔涼粉喎！算啦∼唔串佢喇‥因為我而家有痛腳比佢捉住呀！＞＜ 今日星期６‥夜晚又睇〝唔係獎門人〞同〝開心新班子〞‥又係笑到我收唔到聲！卡卡卡‥︿︿ 我隻狗狗今晚返左黎呀∼好耐冇見佢喇！阿古話想見下佢‥但係都冇咩機會啦∼我隻狗狗都唔係成日ｏ係喥‥同阿古無緣嚕！哈哈∼︿︿

２0０2年９月6日 （星期五）

唉！今日我好黑仔呀∼簡直黑個墨豆！＞＜　放學同阿古＆＋２食完飯之後就返左屋企喇。返到屋企先記得部電腦琴晚已經神神地，但係我照上網楝〝ａwａy〞訓覺‥點知訓醒覺，發覺連個‘ｍoｎ’都燒鬼埋！咩都見唔到，但係部電腦係仲著緊架喎！唉∼我自己又電腦白痴‥迫於無奈都要同我老豆講。我就最唔鍾意靠自己整返好ｏ既‥因為我覺得好煩，同埋我冇電腦玩會悶死架！所以又好似上幾次咁‥叫我老豆搬部主機去整。成日冇電腦玩好慘呀∼悶到我喊呀‥嗚∼＞＜　捱到夜晚先好Ｄ咋‥因為有電視睇‥ ８點幾左右，部主機整返好啦∼不過個‘ｍoｎ’燒左要換呀‥所以都仲未玩得電腦住∼我老豆返黎之後再出去搬埋個‘ｍoｎ’返黎。１１點幾，終於都有電腦玩喇！不過個‘ｍｏｎ’唔同左，好唔慣呀∼同埋部電腦乜都冇晒喇！Ｄ相呀‥歌呀‥全部冇左喇！好慘呀∼嗚嗚‥＞＜ 搞到我要重新ｄoｗnｌoａd晒，我之前有成２百幾首歌架∼有Ｄ歌仲係好難先搵到架！唉‥總之今日就黑仔啦！嗚∼＞＜ 仲有樣黑仔野添呀∼本身諗住係上〝獅子星號〞玩３日兩夜架‥點知我阿媽下午報名果陣打電話比我，話〝獅子星號〞果個要回鄉証先可以去呀∼因為要去南中國海果Ｄ地方。我本回鄉証過左期ｎ世都仲未去搞返本新‥因為我係唔會返深圳ｏ既！唉∼咁就搞到冇得去喇‥迫於無奈去〝雙魚星號〞玩兩日１夜。我１１號上船啦∼希望會玩得開心啦！

２0０2年９月5日 （星期四）

琴晚阿哥話打電話比我叫醒我返學，點知佢自己都唔知醒。我今日遲左起身呀∼７：1５先起身，沖完涼都７點９喇！好趕時間‥去到輕鐵站唔係咁願返學，打比＋２諗住睇下佢ｏ係邊，想一齊唔返‥點知佢冇返到學，仲ｏ係屋企訓覺。唉∼今日ｏ係學校又係好苦悶咁渡過‥頭果幾堂好辛苦，因為我有少少發燒，加上又唔夠訓∼完全想死囉！訓覺又唔訓得好耐，因為陳ｓiｒ呢幾日都ｏ係走廊行黎行去‥一陣比佢捉到要罰企仲衰∼唉！之後悶悶地就ｓeｎd左個信息比阿哥‥哈∼覺得自己有Ｄ無謂囉！佢唔係坐我好遠咋，但係又要ｓeｎd信息比佢喎！哈哈‥︿︿冇計啦∼因為實在太悶喇！後來我同佢又ｏ係喥玩電話‥哈∼真係冇野搵野黎做！︿︿ 放學同意粉、阿古＆我老公仔去食ｌuｎcｈ‥之後我又好似琴日咁∼返屋企換衫再出去４b同＋２打機！今日下午心情唔係幾好‥（嬲左阿哥呀）所以用左成三十幾蚊打機∼但都嬴左廿幾鋪麻雀呀！我同＋２打到５點半左右就各自返屋企喇！ 返到屋企開ｉcｑ，同阿哥講返今日Ｄ野∼佢又哄返我‥而家唔嬲佢喇！卡卡‥︿︿ 夜晚好眼訓囉∼但係又唔訓得‥因為要睇電視呀！唉∼仲有少少燒呀∼又冇藥食喎‥算啦∼唔理嚕！＞＜

２0０2年９月4日 （星期三）

今朝晨咁早起身好辛苦呀‥仲搞到要意粉等左我咁耐都仲未到‥要佢自己返學校先‥＞＜ 唉！勁唔想返學呀‥今日上Ｄ堂勁悶囉！英文堂睇果個ｃoｍpｏsｉtｉoｎ‥Ｄ字又細粒∼睇死人喇！之後中文堂要作文‥我作得果幾行就放棄嚕；Ｅcｏn堂就黎左個新阿ｓiｒ教‥佢成堂ｏ係喥ｕp埋晒Ｄ廢話，唔知佢想點囉！不過我上左成堂都以為係上緊Ａcｃ‥之後聽阿ｓiｒ成日講‘ｅcｏn’呢個字‥再問返Ｄ人，先知道原來係上緊ｅcｏn堂！真係覺得自己有Ｄ瘀皮添‥卡卡∼︿︿ 咁就ｏ係學校無無聊聊過左１個上午喇。唉！ 放學之後同＋２去買野‥我同＋２都買左件衫呀∼我件衫衫好靚架！我好鍾意呀∼︿︿ 跟住我地各自返屋企換衫，之後再出去４b。我著左果件新衫出去呀！佢都係呀∼卡卡‥︿︿ 今日打機好有運氣呀∼由其係接到阿哥電話之後‥玩麻雀勁嬴呀！嬴左成廿幾鋪‥玩左好耐先玩完。之後就到＋２勁嬴啦∼佢嬴左成三十幾鋪‥唔係人黎架！不過今日我地冇玩〝搵錯處〞呀‥可惜！ ７點左右就返屋企喇！返到屋企有Ｄ頭暈‥可能係唔夠訓啦！之後又要執書包、燙校裙‥唉∼真係覺得好煩呀‥每晚ｏ既指定動作。好想快Ｄ讀完個中５佢算喇！！＞＜

２0０2年９月3日 （星期二）

琴晚成晚冇訓過覺，一直玩電腦玩到今朝７點‥之後就準備返學喇。８點打比阿古諗住叫醒佢起身，點知佢已經一早起左。之後同佢＆Ｇoｇo去Ｍ記食早餐，之後就一齊返學喇！一入到課室，見到好多新生‥而且亦都見返１班同學仔呀！我地果班男仔多過女仔‥女仔好似得１０幾個咋！Ｍiｓs Ｙuｅ做我地班ｏ既班主任‥唉∼有好有唔好啦！以後逃學都難喇∼＞＜今日第１日開學∼都係講下Ｄ規距‥１１點到就放學喇！之後就同阿古＆意粉去食野。。。 食完野之後，我返左屋企換衫，再出過吉島‥陪小茵子見工＆搵煙盒。同佢行左好多間ＯK同７-１1都冇佢想要果隻呀∼得返大咋‥佢又唔肯要大喎‥係都話要搵到細煙盒為止。之後就同佢過左４b，＋２都黎左‥後來我地一齊去左機鋪打機。ｏ係４b ｏ既時候我已經‘恰眼訓’喇∼又暈暈地喎‥好辛苦囉！但係又唔訓得，因為要捱到今晚先訓‥先可以較返好我Ｄ生理時鐘！但係當時真係好辛苦∼仲要比太陽曬添‥慘∼＞＜ 之後我地去左商場睇書，我終於頂唔順訓著左啦∼但係唔係訓左好耐就比佢地叫返我起身喇‥佢地唔比我訓呀∼不過都知道佢地係想我夜晚先訓‥‥唯有死頂啦！＞＜ ４點左右我地就散喇∼返到屋企即刻訓覺。訓到夜晚７點幾起身食飯‥之後就冇再訓返喇！今晚真係要早Ｄ訓喇‥事關真係好辛苦！聽日返８點呀‥救命！

２0０2年９月2日 （星期一）

今日訓到４點幾先起身，一起身就洗校裙‥執好聽日要帶返學ｏ既野。聽日開學喇∼不過第一日我諗住唔帶書包，帶紙袋就算嚕！我阿哥呀‥又話聽朝同我食早餐喎‥唉∼點知佢又話８：4５約左人‥唉∼唔知佢想點呀‥唔理喇！之後同意粉講好左話聽日放學一齊去食野。 夜晚燙校裙‥好耐都冇燙過喇‥好似怪怪地咁。之後接到阿Ｍiｕ電話，佢話左樣野比我知‥我聽到之後好‘慶’囉∼佢都好唔開心‥唉∼全部都係我預計之內！＞＜ 我今日成日都冇出過街，ｏ係屋企睇左成晚電視同傾左成日電話‥收完線電話又響過。今日同左心言傾電話啦、阿Ｍiｕ、小茵子、阿古‥‥ 今晚諗住唔訓，等到聽朝８點！聽日一定唔會遲到返學啦∼卡卡‥︿︿

２0０2年９月1日 （星期日）

今日晏就１點半，比阿Ｍiｕ打電話黎嘈聲左我，佢叫我陪佢出去買書包。唉∼覺得自己真係偉大喇‥肯咁早起身陪佢出去‥卡卡卡∼︿︿ 同佢出吉島行到５點幾左右，就同佢去碼頭買黑色ｏ既染髮粉‥之後就去左佢屋企。佢染返黑個頭啦∼卡卡‥好純情唷！︿︿ 咁岩佢阿哥落街，就叫佢幫我買染髮粉，諗住睇完ｓhｏw返黎先染。６點半左右，我同阿Ｍiｕ＆佢阿媽一齊搭的士去嶺南大學睇ｓhｏw。有好多人排隊入去呀∼阿Ｍiｕ個阿媽識人，所以我地坐第２行‥（ＶIＰ）個位好正架∼勁近個台架！ 第１個出場係張燊悅‥佢好靚呀∼Ｄ皮膚好白呀！不過見到佢件衫好似就跌就跌咁，但係都幾索架∼ｋeｋe‥佢唱左３首歌，仲叫左６個人上台玩遊戲‥哈∼好搞笑呀！我同佢揮手，佢見到即刻同我揮返手呀∼呵呵‥︿︿ 之後就到周英杰出場啦∼不過我同阿Ｍiｕ都唔知佢係乜水黎ｏ既‥又樣衰喎∼但係佢好似好多ｆaｎs咁，好多人送禮物比佢喎。自己ｏ既歌又唱得果１首，後來冇歌唱就唱〝明年今日〞‥好難聽呀！之後仲清唱多隻唔知乜歌添！救命‥ 第３個出場係鄧健泓喔∼佢表現都唔差呀‥好多ｆaｎs衝上個台前面爭住同佢握手。不過我最想聽ｏ既〝朋友２號〞佢冇唱到呀！淨係唱左〝直上〞、〝心寒〞同埋１首新歌‥〝好〞。個ｓhｏw做左１粒鍾左右就完喇！ 睇完之後，我同佢地搭Ａ7３返美樂‥同阿Ｍiｕ成家人去左餐廳食晚飯。阿Ｍiｕ個阿媽好客氣呀∼係咁叫我食野‥不過我都唔係食左好多咋！之後我同阿Ｍiｕ走先‥返返佢屋企∼幫我染返黑個頭。我而家個頭好黑呀‥不過我又係黑色頭髮好睇Ｄ架喎！阿Ｍiｕ仲話顯得我對眼大左添！︿︿

２0０2年８月3１日 （星期六）

今朝７點先訓，訓到朝早９點左右，Ｊoｙcｅ打電話黎嘈醒左我；佢話就黎上機‥專登打比我。同佢講左好多野，傾到電話自動收線為止‥‥ 收左線之後‥ｏ係張床喥碌左好耐都訓唔著‥仲冇啦啦哮喘添。搵左好耐先搵到支哮喘藥‥吸左之後隔一陣冇咩事，就繼續覺覺豬。晏就５點半，到阿Ｍiｕ打電話黎嘈醒左我，佢問我今晚過唔過４b‥順便叫我問下我阿哥過唔過。收線之後訓唔到‥就彈左起身喇！ 諗諗下‥今日星期６，夜晚有〝唔係獎門人〞做∼想留ｏ係屋企睇‥而且佢地又唔擺糖水檔，去黎都冇咩做啦！所以都係聽晚先同阿Ｍiｕ＆阿哥過。如果聽晚唔去ｏ既話都冇咩機會架喇！ 夜晚睇〝唔係獎門人〞同〝開心新班子〞‥笑到我甩‘較’咁制∼卡卡卡‥ ︿︿ 仲有３日就返學喇‥但係我好似咩都未準備好。唉∼唔想返學呀‥我預計自己返學頭１個禮拜一定會好辛苦，因為會勁眼訓‥唉∼總之就慘係啦‥＞＜”

２0０2年８月3０日 （星期五）

今日晏就同ｗiｎnｉe出去唱Ｋ∼對上果次同佢唱Ｋ都唔記得幾時ｌu‥唱到８點左右，同佢行左一陣街之後，佢就過去建生同高佬食飯‥而我就ｏ係吉島行住街等阿Ｍiｕ一齊過４b。我地去到〝德明〞咁岩見到＋２，我地３個坐左一陣就去左〝太空〞打機。 去到機鋪‥見到好多人玩緊〝搵錯處〞部機，我地只好玩住麻雀先。後來高佬陪ｗiｎnｉe過左黎機鋪搵我地‥高佬過返糖水檔果陣∼叫我睇住ｗiｎnｉe‥講到好似要我幫佢‘看’住個女咁∼︿︿ 之後我地４條女‥我、ｗiｎnｉe、阿Ｍiｕ、＋２就去玩〝搵錯處〞。我地玩到２字頭啦∼差Ｄ就可以上榜架喇‥唉∼可惜！ 打完機，我地過返去糖水檔‥果陣時我‘Ｑ’住ｗiｎnｉe行，行到橋口果喥‥我見到ｘｘ鋒，我即刻拉ｗiｎnｉe掉頭行‥最明白我ｏ既始終都係ｗiｎnｉe‥佢當時打比高佬話唔方便過去，叫佢去第２邊搵我地。之後我同高佬送ｗiｎnｉe去輕鐵站搭車。去到車站，我已經想返屋企‥但係想打一打電話比阿Ｍiｕ先，佢話ｘｘ鋒走左，叫我過返糖水檔搵佢。我同高佬過返去ｏ既時候，ｘｘ鋒果然唔ｏ係喥。但隔左一陣‥佢又過返黎！唔知咁岩得咁‘Ｑ’定係專登‥‥果個時候奶麟冇啦啦拉住阿Ｍiｕ走，阿Ｍiｕ就拉埋我一齊走。阿Ｍiｕ見到我心情唔好，都冇咩點講野，或者係佢自己都心情唔好卦‥ 突然醒起Ｊoｙcｅ聽朝飛，就打個電話比佢‥佢唔比我送佢機，因為佢唔想我送完佢之後自己１個人返屋企。最後ｏ既說話∼就係叫佢Ｔaｋe ｃaｒe‥之後就收左線喇！當時好想喊架∼不過我忍住‥因為真係好唔捨得！咁快就過完呢個暑假‥佢要過返ＬA ｌu‥＞＜

２0０2年８月2９日 （星期四）

今日晏就激鬼死我呀∼因為我部電腦神神地‥搞左好耐都唔得呀∼問左心言都整唔返‥ｉcｑ又ｄoｗn埋喎∼果陣勁‘敏’呀！打電話比高佬諗住問佢∼點知佢又同ｗiｎnｉe睇緊戲‥‥ 後來靠自己搞左幾粒鍾，哈∼唔知點解又比我搞返掂喎∼卡卡‥︿︿ ｉcｑ都整返好ｌu∼心情都好返Ｄ啦∼︿︿ ７點半左右，接到＋２同阿貞電話，佢話想３個一齊去蝴蝶灣。我地去燒烤場搵佢地，佢地都差唔多燒完ｌu‥之後就成班人落左沙灘玩嚕∼ 我地成班人ｏ係沙灘喥猜圍梅‥輸左果個要做Ｄ核突動作，再唔係就扮Ｄ呻吟聲‥好核突呀∼好好笑呀！卡卡卡‥︿︿ 後來我地愈玩愈過火，輸左果個要比人啜咖喱雞或者錫人‥我印象中好似啜左＋２、阿貞同阿Ｍiｕ咖哩雞；我比肥杰啜左兩撻呀∼慘‥＞＜ 有Ｄ就啜心口或者啜手臂‥卡卡∼ ︿︿ 後來佢地走晒‥淨返我、＋２同阿Ｍiｕ。最後我輸左比阿Ｍiｕ咬左一啖添∼而家仲有撻紅印ｏ係喥‥不過冇所謂啦∼︿︿ 之後＋２走埋，我同阿Ｍiｕ兩個就去左海旁坐‥聽到佢話自己已經變左好多‥我睇得出佢真係有變好到架‥我好開心呀！︿︿ 傾傾下計‥ｗiｎnｉe打比我，話聽日ｄaｙ oｆf‥約左聽日同佢出去唱Ｋ呀∼卡卡‥︿︿ 好耐冇見佢喇∼好掛住佢呀！以前佢未搬屋果陣∼我同佢日日都見面、一齊玩‥諗返起都好開心！同佢１0年ｆd喇∼而家同佢依然咁好感情∼好難得呀！以我呢Ｄ性格好難同到１個人做咁多年ｆd架‥所以我一定會好好珍惜呢個〝老友記〞！︿︿

２0０2年８月2８日 （星期三）

今朝好慘呀∼７點先訓‥晏就１2點就起身喇∼同Ｊoｙcｅ出街街呀！我地去完荃灣之後‥陪佢返青衣拎ｐaｓsｐoｒt‥跟住就去 旺角喇！我終於都買左返學鞋啦∼卡卡卡‥︿︿ 佢買左好多野呀‥不過我就冇咩點買野呢∼因為Ｄ衫都唔靚ｏ既。我地淨係行旺角中心都行左幾粒鍾喔！行到７點半左右，我地就搭車返屯門ｌu‥因為約左阿Ｍiｕ同阿古去４ｂ呀！而Ｊoｙcｅ就返屋企。我返到屋企擺低Ｄ野之後，就啦啦聲同阿古出去ｌu‥ 同阿古ｏ係〝德明〞坐左一陣之後，阿Ｍiｕ就黎左喇∼之後阿貞、＋２、朱古力都黎左。我地後來就去左打機ｌu‥卡卡︿︿ 阿古好勁呀‥用左＄２就玩左１０幾鋪麻雀喇‥我呀∼入晒＄１０都係嬴左幾鋪咋！哼‥＞＜ 打完機之後，我地就過糖水檔搵佢地喇。阿古呀‥抱起我掟我去第２邊呀‥哼哼∼＞＜ 不過知道佢都係玩姐∼卡卡卡‥︿︿ 到到１２點左右，我同阿Ｍiｕ＆阿古走先‥阿Ｍiｕ返屋企，而我就同阿古去友愛買燒野。 今日好累呀∼行左成日‥都冇抖過∼不過都開心ｏ既！Ｊoｙcｅ仲有３日就飛喇∼Ｄ時間真係過得好快呀‥希望我同佢友誼不變啦∼︿︿ 聽晚Ｊoｙcｅ搞〝ｆaｒeｗeｌl〞呀∼希望大家會玩得開心啦！

２0０2年８月2７日 （星期二）

唔制呀∼今日我屋企隔離又鑽野呀‥初頭佢有佢鑽‥我有我訓覺架！但後來唔得喇∼愈黎愈嘈啦‥結果４點半被迫 要起身喇‥嗚∼人地今朝８點先訓架‥又搞到我唔夠訓嚕！哼‥＞＜ 我今晚一定要早Ｄ訓呀‥事關聽日要１2點起身呀∼去街街喔‥救命！ 黎緊呢幾日都有街去呀∼所以今日要扮乖女留ｏ係屋企喔！今晚同媽咪講下我生日點樣慶祝唷∼佢話可能同我上船玩呀‥３日２夜喔∼卡卡‥連續３日請假唔返學走去玩‥正呀！︿︿ 不過都未肯定呀‥至衰我生日果日係星期３啦‥ｏ係正中間∼ｓhｉt！ 今晚好犀利呀∼我從未試過對住部電視睇咁耐架‥今晚由７：3０睇到１2點左右呀∼！好耐都未試過睇咁耐電視ｌu∼卡卡‥︿︿ 而且又同阿古傾左好耐電話‥佢仲鬧我成晚淨係顧住睇電視‥唔專心聽佢講野添 ＞＜ 唉‥仲有１個星期就要返學ｌu‥有開心有唔開心啦∼開心係因為可以日日見到班同學仔；唔開心係朝朝都要早起身呀！我諗住開學ｏ既前一晚唔訓覺呀∼因為‥‥我慣左天光先訓，到時都冇時間比我訓啦∼想訓ｏ既時候都夠鐘返學嚕。唉∼我諗我要返左一排學先可以調較返好我Ｄ生理時鐘呀‥＞＜

２0０2年８月2６日 （星期一）

今日睇到心言ｏ既日記簿‥唔知點解我覺得好感動呀∼仲有Ｄ想喊ｏ既感覺。心言講得冇錯，我自己都估唔到我、＋２、阿鋒個結局會發展成咁。我地３個ｏ既故事，亦都比心言間接改寫左。心言一直以黎真係幫左我好多呀∼真係好多謝佢！ 晚上７點幾，阿古打比我∼話同我老公仔＆佢Ｄ ｆd ｏ係青山灣 ＢBＱ，叫我一齊去‥咁我就同阿哥一齊去嚕！阿古買左架新單車呀，幾正架∼不過可惜我唔識踩丫‥９、１０點左右，我地〝鐵３角〞去左阿古屋企樓下打波，今次我有比心機打架‥卡卡卡‥︿︿不過好熱同好累呀‥我地都唔係打左好耐就走左ｌu。陪老公仔等車ｏ既時候，講到佢將會返１9０做。其實而家諗返起，果陣都幾開心ｏ既‥但後來係因為自己做得唔開心而走喎‥哈∼！希望佢返１9０會做得開心啦‥卡卡‥︿︿ 送埋佢搭車之後，我都返左屋企ｌu‥ 沖完涼之後，成身都好累呀‥Ｄ手手腳腳好酸軟咁‥唉∼可能我個人真係唔適宜運動呀！＞＜１１點幾左右‥我問心言可唔可以放音樂ｏ係我個日記簿喥‥佢話可以，仲教我整添。（話就話教我整，但其實差唔多佢幫我整晒咁制‥ｋeｋe）我真係覺得唔好意思呀∼成日都麻煩佢‥希望佢唔介意啦！卡卡‥︿︿

２0０2年８月2５日 （星期日）

今日ｏ既零晨∼我地〝鐵３角〞同埋我老公仔Ｄ ｆd一齊去左山景打波呀∼雖然我冇咩點玩到‥（因為我唔係咁識打籃球。ｋeｋe‥）但係我都有入波架∼卡卡卡‥‥︿︿ 之後就買左６罐啤酒一齊飲‥哈∼今次我冇醉到呀‥不過有Ｄ ｗiｎg ｗiｎg ｏ地囉！卡卡卡‥︿︿ 後來我就訓左ｏ係球場喥，Ｄ風吹埋黎果陣‥好舒服架∼可能就係因為咁，我冷親嚕！哼∼＞＜ 返到屋企又係訓唔著∼日日都慣左天光先訓。４點幾攤左落床仲未訓得著‥到到５點幾∼小茵子打電話比我，咁我就彈左起身同佢傾電話囉∼卡卡卡‥傾到６點左右，就收線訓覺ｌｕ‥‥ 訓到晏就５點幾‥第１時間上網改ｉnｆo∼卡卡‥之後就打比阿Ｍiｕ問佢今晚過唔過４ｂ啦∼一聽到佢話ｘｘ鋒都會出現，我就話唔去嚕！夜晚打電話比小茵子‥但係接電話果個係阿貞，咁我就同阿貞傾左一陣喇∼傾到關於＋２ｏ既事，我就話已經幾日冇同佢聯絡ｌｕ。我自己都唔清楚我同＋２搞到咁係因為Ｄ乜！我知道我唔再搵返＋２ ｏ既話，佢呢１世都唔會搵我架喇∼就好似之前咁。阿貞問我點解唔主動搵＋２，我又問返佢點解＋２唔主動搵我！？大家傾到好似辯論咁‥＞＜ 我都講過啦∼如果果個人需要我、掛住我，佢自自然然會搵我架啦‥咁既然人地都唔搵我嚕‥咁我仲搵佢做咩呢！？我同＋２都係咁ｏ既心理，難怪我同佢之間有咁多誤會‥唉！我知道我同佢再係咁樣落去，等於冇左個ｆd一樣，但係‥我又可以點呢？唉‥‥唯有聽Ｊoｙcｅ講，過多一排睇下點先啦‥！ 夜晚１１點幾，突然間想整個類似網頁ｏ既野要黎打日記‥（好似心言咁）咁我就去問心言啦∼點知原來係好複雜架！記都記死我！＞＜蝦‥你地呀‥唔駛止意問我點樣整呢１頁出黎呀∼因為我都唔知道架‥係心言一手包辦！卡卡卡‥︿︿ 日日得閒冇野做打下日記都幾好啵‥哈哈∼可以打發下時間嘛∼嘿嘿”