Sandy's World
Sandy 有o野同你講^_^
20/9/2006 好想o係o度記低一d自己後悔當初做過o既錯事，希望自己日後睇返能夠起到警惕作用，亦都希望為到自己o既過失勇於面對，從而改過。因為係愛人Franklin話我知要承認錯誤面對自己，唔可以做個愛逃避的人。 回想返自己真係一個白痴、幼稚o既人，金錢價值觀錯誤o既人。幾年前開始大專生活時，被人厄話欠下錢債而去借錢俾一個唔可信o既人，又冇想清楚咁去為對方o係物質上出錢，結果竟然攪到自己都欠下債要作出償還，自己又唔節制，都依家都仲還緊咭數。但為我將來同快d解決以前遺留下來o既數，我一定要努力、要節儉，希望快d還晒d錢可以同Franklin一齊供車，可以為佢付出更多，令佢更開心， 因為佢係一個勁愛車之人。唉！諗返起真係好後悔，覺得好笨。 除o左金錢之外，當回想起其他事上，都覺得自己係個任性、無知o既女仔。因為之前同o左個男仔一齊，同佢去澳門做o左一d令我覺得好幼稚、無想後果o既事，我真係太錯。 我o既過去真係令我覺得好慚愧，好想重新o黎過，好想改寫歷史，但奈何我做唔到，所以今後我要提醒自己唔可以做後悔的事，要三思而後行，要做得更好作補償過去所作o既錯事。 另外我當初根本唔應該、唔值得係個網o度提及兩個曾經傷害我o既人，因為佢地係我o既污點，佢地已經o係我o既人生中消失o左。我今後只會好好愛Franklin，我願以後o既記憶只有佢，我會更加珍惜同佢一齊o既時光。另外我深知過去o既事令到依家真正愛好o既Franklin好痛心、好辛苦，對唔住！ 我亦為到依接近兩年內對唔住Franklin，令佢生氣、傷心o既事而道歉，正值兩週年o既日子，我希望大家有個好改善，希望來年會過得融洽、順利、開心、甜蜜，我會做得更好！我知我從今以後要對佢更好，因為我應該為一個值得愛o既人付出，我以後只會為佢一個人出付出！我會尊重、以佢為先！我誠心祝願同佢可以恩愛有加，相親相愛！ 20/4/2005 更新o左「我得你」版版呀！ 20/6/2004 父親節快樂！我愛爸爸！我愛亞爸天父！ 9/5/2004 母親節快樂！我愛媽媽！ 12/4/2004 復活節快樂！多謝耶穌！ 8/3/2004 返新工，開工大吉啦！ 2/3/2004 Happy Birthday to Me! 17/2/2004 正月廿七，今日係我舊曆生晨，哈！祝自己福如東海，壽比南山；年年有今日，歲歲有今朝！ 14/2/2004 情人節快樂！祝願有情人甜甜蜜蜜、家人親親愛愛、友人快快樂樂！ 5/2/2004 正月十五元宵佳節，祝各位有情人花好月圓！ 22/1/2004 猴年大年初一，恭喜發財！祝大家身體健康、出入平安、如意吉祥、大吉大利、龍馬精神、步步高昇•••，總之就猴年事事順景、萬事勝意啦！ 15/1/2004 係時候update一下個網頁啦！會加多頁及更新少少資料，好快有得睇啦！ 1/1/2004 新年快樂！祝願今年比上年好！新一年，有個好開始吧！ 31/12/2003 大除夕快樂！好好迎接2004年o既來臨啦！希望明年會更好啦！ 30/12/2003 upload左d新相，去睇下啦！ 24/12/2003 聖誕快樂呀！祝大家可以普天同慶耶穌基督o既降生大日子吧！ 3/12/2003 加o左d相o係CityU同埋開o左一本新相簿呀！ 23/11/2003 個日記簿又好番喇！之前個電腦用唔到，多得個friend幫我整番咋！唔該晒！ 20/11/2003 「英之日記」出事喇！有個衰人攪到咁，希望快d好番啦！ 11/11/2003 天氣轉冷喇！小心保重身體，著多件靚靚衫，唔好病親喎！ 31/10/2003 YEAH！個日記簿好番喇！我又可以利用佢O黎記錄自己O既生活、感受啦！好開心！ 24/10/2003 好慘呀！個日記簿突然冇o左o既！好傷心呀！好似d回憶一下子冇晒咁，唔制呀！ 17/10/2003 熱烈恭賀我國「神舟五號」征空成功！ 4/10/2003 重陽節快樂！加o左篇新o既文章o係「好文章」o果版，亦加o左d相，好好分享吧！ 1/10/2003 國慶日快樂！希望各位更愛國吧！ 11/9/2003 中秋節玩燈籠，食月餅！祝各位中秋節快樂！好好享受八月十五o既月光吧！ 7/7/2003 星期六晚同小學同學聚會時影o左d相，放o左上相簿，得閒咪去分享一下我o既歡樂law！ 1/7/2003 不經不覺已經回歸o左6年，今年大家都充斥住好多怨氣，我真係希望香港好，大家好o家！香港人努力呀！願天父祝福香港啦！ 15/6/2003 祝天下爸爸父親節快樂！作為仔女o既「要熱烈地親親Daddy，知唔知呀！寶寶！」 7/6/2003 今日睇o左本書，當中有篇文章好想同大家分享，所以打o左o係「好文章」o果part，有時間去睇睇啦！第一篇就係啦！ 4/6/2003 祝大家端午節快樂，好好享受假期吧！ 11/5/2003 母親節快樂！各位做人仔女o既好好愛錫媽媽啦！祝各位媽媽日日都咁開心，身體健康！亞媽，我愛你！ 1/5/2003 祝各位動勞節快樂！好好休息下啦！辛苦晒！哈哈！ 19/4/2003 祝各位復活節快樂！因著耶穌基督o既釘十架，從死裡復活，叫我o地o既罪得以赦免，得以重生！感謝主！ 11/4/2003 好開心見到d朋友上o左o黎，而且仲留埋言，嘻嘻！多謝晒！未留言o既就快d去留喇！ 8/4/2003 'Sandy's World'正式面世啦！真高興！大家好好瀏覽吧！ 4/4/2003 祝各位兒童節快樂，我好想返番去童年呀！ 1/4/2003 愚人節快樂！ 31/3/2003 非典型肺炎好盛行，大家真係要超級無敵小心身體，好好保重！祝各位身體健康！ 8/3/2003 多謝茶道人同埋Cherry Cherry Friend 同我去o左西貢補慶祝生日，我好開心呀！好浪漫添，哈哈！ 1/3-3/3/2003 我o既各方好友同我慶祝生日呀！好開心呀！多謝晒！我真係好開心、好愛你o地呀！ 27/2/2003 係我o既農曆生日，同o左屋企人去食飯，好味啊！ 11/2/2003 開始好努力o甘製作個人網站
Everyone want Snoopy to be their Friend!
Don't you want?