23072003  打風

今日終於有機會出下街 , 呢排忙到好耐未行街啦唉 ~

選擇去旺角 , 因為有我想去既鋪 , 想睇下有乜靚野買

結果都只係買左x'e o既tee ~都OK靚既 , 又有discount

之後同阿妹去pizza hut 食下午茶餐 , 正 ~! 不過阿哥哥仔唔記得落糖漿o係奶茶定...勁苦 !

之後再去聯合 , 本來想買x-girl 個細袋 , 諗諗下我又未必用 , 算放棄吧

好似好多野想買 , 但又冇乜野可以買 ~儲錢啦~

本來我地仲想去瓊華o個頭 , 好彩阿妹話就快落雨 , 即刻返去火車站

結果避過變落湯雞既命運 !

返到屋企 , 勁打黑痴 ... 睇黎我傷風啦~

後日就去camp lu , 希望天氣會好o的 , 我個病又好返啦 !

希望天父保守 !

19072003  晴

好辛苦 , 今朝六點九就要起身返學校當席 ...~星期六都要咁早簡直囉命 ~

今日當席都幾辛苦 , 企足成日又冇冷氣嘆 ~

不過都幾開心~ 因為可以同人傾下計

哎也 , 我聽見o個班死人男仔講o的分數就想殺死佢地

死啦~ 萬一下年入到去我係第尾點算 ?

呢個問題越諗越恐怖 , 點解o的人可以集中全副精神溫書架

對於我黎講呢個世界太多引誘 ...

返到屋企照常訓到七點 , 唉 , 好累

18072003  晴

返埋今日之後3A就唔會再o係埋一齊啦 ~唉

唔捨得班咁搞笑o既同學~ 日日上堂都嘻嘻哈哈咁過

下年可能真係要認真咁讀書啦 ...

派左成績表 , 1210 考得七 , check 卷o個陣見同vera o的分差唔多

果然只係差兩分 , 哈哈~

哎也 , 好差呀考得 , 話就話七

人地班高分過我都考十幾 , 講總分都係唔夠高

miss話我文學好 , 讀文會有好發展 ,  反而理成績唔夠標青

叫我諗諗~ 講真 , 我有讀邊科邊科咪好囉

不過下學期phy , chem真係唔生性 , 嗚 ... ~

怕入唔到c 呀 , 唉~~ 又要擔心多兩日

今次個個人都好勤力讀書 , 進步左好多 , 死啦

再咁落去我怕有一日我會得到教訓 ( 其實呢幾年都知架啦 )

e , 眼見人人進步 , 自己都過意唔去

阿爸阿媽又只係睇名次喎 , 好似完全唔覺得我o的成績有乜問題

冇壓力下讀書都唔知好唔好 ... 冇人push 自己進步搞到咁

唉 ...............

冇心情講落去 ~ 

阿妹o係我未返前去左camp  , 哎也 , 呢幾日冇人陪出街 ...

仲要冇$$ ~ ... 人生開始又冇乜意思咁

好累~要訓覺啦

04072003  晴 + 超級猛太陽

今天早上回校跟肥妮曬相 ~!

一齊也頗成功啦 ... 哈哈哈 ~產量一共有九張黑白照 ~

聽趙sir 話下年我地係主力 ... 即時笑到 ~~

哎也 , 下年攝影學會冇人咁點 ? ~我同肥妮兩個初學者又會識o既乜呢

莫非自此就要關門大吉 ? 唔想呀~

希望有心人可以協助下啦~

返到屋企又訓覺

繼續徘徊在現實與夢境之間 ...

03072003  晴 + 超級猛太陽

尋晚囉住個搖控轉台轉台轉台 , 冇波睇的假期生活真苦悶 ...

唯有睇Wimbledon + goals countdown , 計我話都係足球好睇好多

唉~今朝返去class party唔知點解冇以前咁高興 , 真係唔知點解?

為返去而返去 , 又唔係特別開心 , 或者夜訓早起身冇乜mood掛

仲有見到自己塊面生左幾粒大瘡心情即刻down 晒

我諗暑假係時候保養下了 ...

之後學琴訓覺 , 冇乜特別

呢o的日子真係唔知可以做乜 , 又未完全放假 ...

呀 , 突然諗諗下 , 好想搞返好個網 ... 因為我成日做做下中途唔得閒

真係好想整靚佢 , 仲有想買部dc呀 ~想影好多好多身邊o既野

但冇可能下下用部大機架嘛 ... eeee. 唔知阿爸比唔比

唉~ 唔講啦

尋晚溫econ 溫到一點 , 係咪好勤力呢 ? 唔係 , 係我好遲先開始溫唧

溫溫下頭痛又發作 , 訓覺 , 又到兩點多才訓得著

諗左好多好多野 ... 全部關於我考完試要做乜

例如去shopping去玩去旅行總之一切唔關於學業的東西啦

好野 , 考完lu~不過又冇想像中咁開心喎 , 唔知點解呢

是但啦 , 最後都係同佢地去左尖東唱K

笑死 , 不過我真係唱唔到歌囉 ... 把聲都唔掂左好多日

四點返到家~ 睇返尋晚場波 , 唉 , 頒獎禮好感人呢 ... 個個著住foe 件球衣

嗚嗚嗚 , Song + Desailly 高舉獎盃 真令人想落淚 ~或者我就係咁易被觸動

之後又要隔一排先有波睇lu , ka , 而家j league都有埋

唔知好唔好睇 , 兩年前因為睇 << 我們的足球場 >> 所以認識j league的球隊名

橫濱水手 , 鹿島鹿角 , 清水心跳 ... 古怪的名字 , 都係利物浦好 !!!~~哈

講真我真係好想有多o的女仔睇波架 , 至少可以陪我講嘛

不過家下都好 , 我阿妹已經加入睇波行列 , 假以時日佢就可以同我一齊大談波經

哈哈哈 , 痴線架我~

考埋phy , 一天光晒 , 冇話考得好唔好 , 因為都唔知寫落去岩唔岩

唔緊啦 ... ~ 我覺得都算係咁

今日放學去左m記食早餐 , 正~ 我愛精選 , 好味呀

之後同小燕 , 曦明 , 石山 傾左好耐好耐計

因為要等到兩點返去 , 同石山預祝生日

本來冇乜既 ... 不過有少少唔開心~ 一來等得耐啦 , 二來無啦啦比人小

都唔知做乜 , 嘈咪講囉 , 至唔鐘意人用粗口鬧人 ... ~ 笑下唔得咩

哼 >___ < ! 算 , 今日要訓個好覺~~

哎也 , 做乜科爾踢踢下波會死左架 ?? 好嚇人 ... 好慘呀....

之後享利射入一球指向天話送比foe o個幕好感人 ... 唉~ 世事就係咁

我而家都好擔心自己健康問題 , 又風爛又頭痛

都唔知係咪自己成日唔做運動搞到身子咁差 , 所以暑假一定要勤做運動

唔係有一日無啦啦死左點算 , 我仲有好多未完成的心願架 ( 說笑 )

(( 而家o係ICQ同緊某人講野 , 唔明點解o的男仔自以為自己係靚仔 , 救命 ))

哎 , 尋日訓午睡耐過頭 , 搞到夜晚四點都訓唔著

今朝起身好辛苦 ... 個感覺好奇怪 , 明明唔係唔精神 , 但好浮下浮下咁

天氣好好 , 但好得制 ... 有少少頂唔順

個天色好假 , 或者太耐未見過好天氣

考bio ... OK啦都~ 有少少唔識

不過最辛苦o係一個鐘入面個頭都好痛好痛 , 好實

好彩影響少少咋~ 如果唔係就慘

聽日又有得休息lu , 正~

今晚一於要訓好o的 !!!
　

尋晚四點幾先起身睇波 ... 睇得o個十五分鐘 , 之後又訓過~

我發覺夜晚睇零晨波對於而家o既我黎講真係好辛苦

退化啦真係 ~暑假要操返fit !

今日同屋企人出左又一城 , 唉~ 發左左幾件不偷快的事情

如果爹o的o的脾氣可以好o的就好啦 ... 真係怕遲早出事

同佢一齊真係好驚 , 隨時又唔知會有乜事發生

佢其實最唔好都係呢樣唧 ... ~

返到屋企風爛又發作 ... 可能頭先食過魚生啦 , 好慘呀真係

都唔知點解呢一年發得咁勁 , 訓覺時發真係幾大折磨 ... 又冇得醫 , 嗚

唔通成世唔食海鮮咩 ... 我唔制呀 ~~

呀 , 休息埋呢兩日又要考試啦

下個禮拜既科我諗我會考得好o的掛 ... 點都會好過上個禮拜o個o的科

第一日已經搞到冇心考埋落去 , 我真係太太太太大意啦 ...

中作作錯野 , history做唔晒 , chem睇錯好多條 , maths 本身都死架啦sigh ...~

唯一考得滿意少少o既係 geog + chin hist ~

不過考得唔好都係自己囉黎 , 冇得怨 , 自問擺左幾多effort落去?!

眼見個個咁 勤力 ... 中三啦~天資幾好始終有一日會比勤力的人趕上

我就是了 , 有時真係覺得自己有o的問題 ...

考試前一晚七八點先開始溫書都未知驚 ... 我知咁勁既人仲大有人在

但連自己都覺得自己讀書態度唔係好掂 ... 一個人既然賦予能力去讀書

點解唔好好珍惜 ? 我有反省但 ... 睇黎我未跌過都唔知死

我知爹o的媽咪對我期望最大 , 因為佢地認為我係最有潛質讀好書

不過佢地未比過壓力我 , 由細到大我一怕某科考得唔好 , 佢地就同我講

考成點唔緊要 , 問心無愧盡左力對得住自己咪得囉

雖然考得差都會講一兩句 , 但唔會真係怪責的心態同你講

有時真係覺得佢地好好 ..

不過我地成家人都係唔會早溫書架啦 ... 阿哥咪最勁o個個囉

會考都仲晚晚打機 ... 服左佢 , 人地會考佢就relax

睇黎自我反省完一輪會好o的 ... 唔, 好 , 要努力 !!

( 媽咪呢個時候同我講緊她的人生道理呢 )

*考完埋下個禮拜+ 一日就搞掂架啦 ~

到時就可以盡情玩 & shopping lu ...heeee~