隔住一個海，兩個地方，原來真係可以好唔同

唔係第一次黎台灣，不過都隔左五年，今次既感覺同上次好唔同

台灣好少高樓大廈，好多田，好多荒地

台灣 d 路好凹凹凸凸，每間舖頭門口既階磚都唔同

台灣好少垃圾埇

台灣人好環保

台灣好多人識渣電單車

台灣人講野好大聲

台灣人好肯幫人

...................

.........

....

------------------  18032004 第一日 -------------------------------------------------------------------------------------

尋晚訓唔著，一點幾起身同細佬玩大富翁，玩到三點，唔眼訓。

但今朝又要四點半起身，無論點都要訓一訓，終於都訓左。訓醒左都好似冇訓過咁。

不過今日去台灣旅行，點都會好精神！！！

起左身，換好衫，等埋媽咪，五點半落到樓下，媽咪個朋友渣車黎接我地去機場。上車時，個天都未光，

架車行得好快，用左差不多半個鐘就去到機場。

我自己一個落車，拎住媽咪比既利是，我就走入機場 join Lisa。

錢...去果時好多，返黎果陣... 我地既領隊，粉人一號！ "~_~

我地去 "G" 果度搵我地個領隊。

以前去過咁多次旅行都係自由行，第一次跟團，今次我地同大佬一齊參加左 "星晨" 既四日三夜台北團，好平。

個領隊係個廿幾歲，好似同我地差不多年紀既男人，我地見到佢時，著得斯斯文文，個樣傻下傻下咁，後面 d 頭髮

剪到好齊，拎住個 anges b 袋，好好笑 ~~ 後尾唔知點解比大佬改左個名叫 "粉人" ，哈~~~~~

佢叫我地掛個牌 o係行李先拎去寄艙，仲比左個牌我地。呢個時候，大佬仲未黎，我地諗住等多佢一陣，等到七點，

佢都未黎，我地就去排隊先，排完佢都未黎......差不多七點三，佢先到，我地要陪佢排多次！

去果時，我地 d 行李輕到可以用腳踢，仲可以鬥輕~~~ 騎哩 ~___~"

搞掂好之後，我地就向住閘口進發，我地個閘口係 "47"，係比較遠既一個，要行一段路，再搭 "冇人駕駛" 既列車，

落左車仲要行。我地八點去到，影左相，跟住就上機，我地三個坐埋同一行，我坐窗口位。

起飛果時，果度既地勤人員會同我地揮手，好得意~~以前都冇留意過。

唔知係唔係因為仲早，好好太陽，所以個位......好曬...

去到既時候，真係好肚餓，食左尋日 o係零食物語買既限定版 "香蕉味朱古力百力滋"！不過得好少......唔夠食...

冇幾耐，空姐就派飛機餐比我地，不過唔好食既 ~~~~

食完之後，我地就睇旅遊書，睇到咁上下，我同大佬調左位，我坐左去走廊，不過已經差不多要落機。

落左機，我地出閘，等領隊拎落地簽証，順便換錢。

原本領隊叫我地去行李輸送帶果度拎行李，跟住等。等左好耐，都仲有一個團友未到，原來佢比海關扣查左，

唔知咩事呢，所以等左好耐。因為等到太悶，我地開始同其他團友傾計，仲影相~~

等到人齊，我地就上旅遊巴，架巴士比我既感覺係有陣怪味同埋好 dirty，我開頭坐果個位個墊仲飛埋出黎..."~.~

我地架車直接去到九份山城，要成個幾鐘車程。初時以為呢度好似烏來咁，睇下表演同逛下茶葉，但原來好唔同。

* 今日忽然落雨，變到好凍，好在有外套！*

呢度係一條大斜路，路既兩邊全部都係舖頭，有食野既、有賣手信既、仲有其他好多好多

我地又凍又肚餓，一開始就入左一間舖頭入面，叫左一個牛肉麵、一個麻醬麵、一碗好多丸既野同埋豆干，有 d 好

食，有 d 唔好食 ~~~

跟住就一路向上行，一路行，一路試食，食左鐵旦 ( 怪味 >.< )，o者o厘 ( 普通味 )，鳳梨酥 ( 普通好味 )，太陽餅 ( 好甜 ~.~ )

大佬仲買左 "冰糖士多啤梨" ，都少少好味，又係怪怪 ~~~~

後尾仲食左 "芋圓"，入面有好多顏色好似湯圓既野，又有紅豆綠豆同一種唔知咩豆，好好味 ~~ 本來想買返去，不過果

個人話唔可以擺咁耐，所以冇買到 ~~

行完，我地落返去集合，集合果度又有少少意外，搞到架巴士黎唔到，我地今日黑黑地......

上左車，就又直接去陽明山，今次又係搭好耐車，我地仲攰到訓晒覺。其實呢個時候，都唔多遊客，又冇咩花睇，

唔知去睇咩。去到，又落大雨又凍，我地落車去廁所，又影左相，跟住又上返車，等齊人又要走 lu ~~

呢個係我地 o係台灣既導遊 "林叔"，佢一講野我地就會訓，一講完我地又起身，好神奇！^^

跟住旅遊巴士載我地去一間酒樓食晚飯，我地張抬有七個人，有一個火鍋、一煲飯、一個魯肉、一個咕嚕肉、一碟包，

我地唔係食左好多野，因為我地今晚要留返 d 位今晚去夜市食！！

食完飯，然後，我地就搭車去 "士林夜市"。今日成日搭車來來去去，已經唔知自己 o係邊度，好混亂 ~~~

我地今晚只係有一個半鐘既自由活動時間，好似唔夠咁。我地一開始去左飲野，我要左清秀既推介 "青蛙下旦"，都 ok

好味，不過唔夠凍！！

Lisa 要左 "香芋加珍珠"，大佬要 "愛玉蘆薈"。o係我地飲野既同時，我地又買左一個好似塊面咁大既炸雞，都唔知點會

有咁大個雞。o岩 o岩整好，都好好味！

跟住我地又周圍行，有食到 "棺材板"、蚵仔煎同炒花枝。唔知點解魷魚叫做 "花枝"，騎哩 ~~~~~

後尾行左去另一邊，食左 "涼粉圓"、"大餅包小餅"、河粉煎。我地自己亂咁行、亂咁去，行到唔識點返返去，要問人。

返到去，仲食左一個 "花生冰"，好怪，不過都有 d 好味。

下晝搭車時影既，"水蓮情深"......騎哩~~~個背景仲要係 "青天白日滿地紅"...

我手上面拎住彥霖吩咐我帶既 "獎牌"，我 o係酒店張床上面

終於都完成左今日既行程，真係好耐冇訓過覺。我地搭車去酒店，第一晚住 o係桃園既 "住都大飯店" 2205，

原來呢度有 ★★★★★ 級架！

聽朝 7:00 a.m. 要起身，沖完涼就即刻訓！

~~~~ 第一日完 ~~~~

------------------  19032004 第二日 -------------------------------------------------------------------------------------

尋晚十二點訓左覺，一覺訓到大天光。今朝早七點鐘 morning call，唔想起身......

不過都要起身，我地起身執行李，要拎埋落去食早餐。d 早餐都冇乜特別，可能係我冇胃口掛 ~~

我食左..............................唔記得晒...... ~.~"

食完早餐，仲有少少時間，我地想 o係附近行一陣，不過行到出去又好似冇野行，條路又危險，所以返酒店 hea。

跟住我地搭返尋日個旅遊巴士出發去一個叫 "x間" ( 唔記得 ) 既地方。入到去，有個阿叔講蜂皇漿同埋赤靈芝。

仲叫我地試飲，有糖同冇糖都一樣唔好飲 ~~~~

去完之後，我地搭車去 "中正紀念堂"，呢度我都黎過，所以唔係好有興趣睇。

我地影相，睇人地操兵，又買紀念品，我買左筆比細佬同買左 postcard 做手信，好少會 o係呢 d 地方買野。

 睇完呢度，我地去左 "鼎泰豐" 食飯，都 ok 好味，我地食左好出名既小籠包同蟹粉小籠包，仲食左其他唔知咩餃，

仲有酸辣湯同埋旦炒飯。食到咁上下，我地有一個鐘頭自由活動，咁我地又周圍行。

去左地下鐵 ( 捷運 ) 既地下街商場，果度唔係好多野睇，不過都幾光，同埋好多舖頭，條街又長。

我地行左十幾分鐘，去左一間好細既 "誠品"，我買左一本髮型雜誌同埋幾米萬字夾比彥霖。跟住我地又行返上地面行去集合果度。

等齊人，我地又去另一個地方。

忠孝敦化站 ( 係台灣地鐵站！！) ^^

便利店買既 "草莓蘋果汁" ，甜爆 >.< 台灣周街都係電單車

之後我地去左 "故宮博物館" ，果度都幾靚，入到去，我地三個一路行一路講埋 d 白痴野，又笑到好大聲。

我地好似成個團既行程都成日喪笑，不過好似平時都係咁...... =.="

我地對入面既野唔係好大興趣，到自由活動時，我地係咁以行下同埋去廁所，跟住就出去集合處果度等運到。

悶死我地，唯有自己講自己笑，都可以好開心既 ~~~ 不過等左大半個鐘先夠鐘。

跟住，我地去左一個地方叫做 "貔貅館"，入到去，有個 uncle 猛咁講人名講命講風水，又好似有 d 準喎。佢仲幫

我地測名，我同 Lisa 都係 "密籠"，即係死啦 ~~~~ 我地好多團友都係，唔怪得之我地咁黑仔！ ^^"

跟住，"林叔" 帶我地去買鳳梨酥，我買左一個鳳梨酥同一個栗子燒，不過都唔係比我食既......

買完上車，我地返酒店，今日間酒店又唔係尋日間酒店，今日果間係西門町附近，"豪景大酒店" 718，

今日係 ★★★★ 級，不過都唔係好差既，我地又係三個人一間房。

o係房度坐左一陣，我地七點又落去樓下 lobby 等埋我地既團友一齊去行西門町。等果陣，林叔又 o係度講野，我一聽

到林叔講野，我就會好眼訓，所以又坐係張梳化度訓著左，=.="""""

到差不多七點半先至出發，我地一路行，一路同領隊粉人吹水，原來佢都係一個賤人......^^"

我地今晚又 o係西門町食左好多野，首先林叔帶我地去食 "阿宗麵線"，有少少似加左麵線既碗仔翅。跟住又買 "鴨舌"

，好出名喎，唔知係唔係我唔識食，唔覺得有咁好食，普通味啦 ~~~

跟住仲食左好多好多野，有刨冰 ( 我地食果時，個老闆娘話自己揀要咩料，不過唔好裝太多喎，跟住先至刨冰落去。

咁我地就每一種都拎少少，拎到人地話已經太多啦，但其實我依然覺得係好少 ~.~ )，後尾食完出門口，先至睇到個牌

寫住 "自選三款"，我地原來著數左，不過好似有 d 樣衰 ~~~~ =P。我地仲 o係呢間舖頭食左 "魷魚羮"，又去第二度食左

"炭燒魷魚"、"炸魷魚丸"、"綜合豆豆冰" ( 怪 *.* 呢間舖頭好有型，四幅牆都比人畫花晒、簽晒名、仲有 Graffiti 喎，所

以我又 o係個牆度寫左字 ^^ )，跟住又食左鍋貼同炸醬麵。台灣同香港既炸醬麵好唔同，呢度係鹹既同埋 d 麵係粗既，

都有 d 好味，因為食果陣已經好飽 >.<

後尾去左行一間兩層既 "誠品書店"，我買左一本小說同埋好多漫畫 ( 買返晒之前借比人冇左既柯南同金田一 )，好重。

平過 o係香港買，所以一定要買，不過買唔齊，聽日再買！ ^^

行到十點幾，好攰好攰，跟住行返酒店，仲去左買 coke light！返到去，食野沖涼寫日記。

~~~~ 第二日完 ~~~~

------------------  20032004 第三日 -------------------------------------------------------------------------------------

今日係自由活動日，我地想做乜都得。

我地訓到八點先捨得起身，落樓下食早餐，食完又上返房度。

我地本來 plan 好晒今日既行程，但係到左呢一刻，我地又好似好懶咁唔想出去。左度右度，終於都決定左去溫泉！

我地行左去捷運站，諗左一陣，我地決定買一日票，150 蚊台幣可以 o係一日之內搭無數次地鐵，好似抵 d，又唔駛

次次都去買飛。

首先，我地由 "西門" 去 "台北車站" 轉車，跟住就搭到去 "新北投"，其實中間都轉左一次車，不過唔記得咩站 =.="

搭扶手電梯落去時，見到靚靚既孫燕姿，忍唔住......影左

我地落左車，行左好似兩百公尺路，到左 "水都溫泉"，問完價，原來都唔係好貴喎，咁我地就決定浸溫泉！

入到去，原來我地同一團團友一家人都同我地一齊黎，有好可愛既家晴~~~~~ ^.^

我地換好衫，先去左女湯，其實果度唔比著泳衣，不過我地照著，果個人開頭都唔係好覺，仲同我地傾計，哈哈！

後尾醒返起，就叫我地去另外一度或者唔好著泳衣，我地都玩夠，所以決定去第二個泉 ^^

我地去左七樓既露天溫泉，果度有一個泉好熱，可能有成五十幾度，大佬淨係擺隻腳落去都已經變左粉紅色...

我地玩左個幾鐘，跟住就決定走人。

浸完溫泉好似游完水咁，好攰，仲好肚餓添 ~~~~

我地忍住唔食住，搭地鐵去左淡水，行到去一條街，果度似係夜市多 d，不過都有野食既。

我地食左炸 x 同炸 y，之前 Lisa 又話出豆豆，唔再食煎炸野，今日見到咪又係食！！

食完炸野，我地食左牛奶冰，又係刨冰，不過唔係用一大舊冰，係用牛奶黎整做刨冰，個刨冰機仲係乳牛紋既添，

好得意，好想要 ~~~~~ >.<"

跟住我地搭返捷運出去，o係車上面，我地一路研究一陣間點行。坐 o係大佬隔離，有個三十歲左右既女人 (佢應該

係女強人，不過係好 nice 既女強人 )，佢見住我地 o係度睇地圖，佢就一路係度笑，跟住仲同我地講英文，教我地

去我地想去果 d 地方。

其實好似唔係好幫到咁，因為我地唔識路，就算講，我地都要去到先再搵。但係佢好好人，又同我地傾計，仲講

好多多比我地知，我地仲同佢影左相 ~~~

好 nice 既 Christine ~~~ ^^

搭地鐵時偷影左 Lisa，樣衰，樣癌 ~~~~ ^^" 哈哈哈哈！

落左車，我地先去 "麻布茶房" 食 tea，我地一早已經決定左黎呢度食 tea。

我地食既野，已經唔記得晒叫咩名，d 名太長啦 ~~~~~ 不過好好味~~ 但係食完又好凍~~~~

臨走時，見到有 "along came Polly" 既 postcard，拎左兩張返去比 Denis，佢勁中意 Jennifer。

之後我地去左廿四小時 OPEN 既誠品，咁就比我買齊到我要買既漫畫，仲買左一本小說同埋 "漫話法國"，想買左好耐

，不過 o係香港買好似好貴 ~~~

跟住又去左另一度，我地行左好耐，又問左好多人，先搵到大佬要買鞋果間 Birkenstock。間舖頭，如果要入去就要除鞋

，我同 Lisa 又唔想除鞋咁麻煩，所以我地 o係附近行一陣先返黎搵返大佬。

跟住我地搭的士去一間文具店買野，個的士司機好好人，同我地講好多野，不過講黎講去都係講今日競選總統既野。

台灣人好緊張選舉，好激動！所以我地 d 阿媽先擔心，先叫我地唔好周圍走，唔好亂講野。~.~"

落左車，求求其其買左野，因為 d 書好重，又好攰，所以已經唔想行，想返去訓覺 ~~~~

我地去左買 pizza 同埋意粉返酒店，本來想搭的士，不過截唔到車，但係行行下又到左地鐵站，就變左搭地鐵 。

落車，去到西門町，好多人企 o係大電視前面睇點票。呢個時候，水蓮同宋連相差左成十萬票！

返到酒店，餓到我訓左 o係度，不過都會照食野，同隻豬冇分別......

一路睇住點票點票點票......到最後，相差二萬幾~~~~~~~~估唔到估唔到 ~~~~

我地食飽左，都只係九點幾，大佬想出去行，不過 Lisa 唔想行，我又好眼訓，所以大佬打左比領隊粉人，叫粉人陪佢

行，但係粉人去左睇 "鬼來電"，唔得閒~~~ 我坐坐下訓著左，訓到十點幾，同大佬 o係附近行左一陣，返到黎就沖涼訓覺...

~~~~ 第三日完 ~~~~

------------------  21032004 最後一日 -------------------------------------------------------------------------------------

最後一日啦，今晚就要返香港，時間過得真係快 ~~~~~

我地起身執好行李，等埋大佬沖涼，大佬 o係廁所仆親，因為 Lisa 唔知 o係入面搞過 d 乜 ~~~~

今日早左落去食早餐，不過好多人，d 野食又同尋日既一模一樣，所以食左好少就上返房度執埋 d 野跟住落黎集合。

如果我地快 d，就有時間比我地影到相，所以我地就影到相~~~~ 廢話

今日第一站係 "圓山飯店" ，林叔話呢間飯店好出名，世界十大有排名喎，好勁！睇個外表，又真係有 d 靚喎~~~~

       呢架係我地架旅遊巴士

我地睇睇睇睇睇睇睇，睇黎睇去都只係一間酒店，不過靚囉 ~~~~ 所以我地好快又走返出黎。

下一站就係 "忠烈祠"，我以為 "祠" 係讀做 "字"，原來唔係，不過又唔記得左點讀，白痴 ~~~~~~~ !!!!

一去到，就係操兵啦，粉人二號亮叔叔話幫我地影相，一路行一路影，但係影到大佬得半個，佢仲要手都震埋，笑死我~~

之後我地又上車，林叔帶我地去拎返尋日買既野，不過我 o係車度訓左覺，大佬同 Lisa 去左拎。

最後，我地去左 "京華 xxxx"，唔記得左個名，係個大商場，林叔話好似半個足球喎。跟住我同 Lisa 唔知講左 d 咩

，又笑到我死 ~~~~~~~

我地影左相，跟住就入去行。最後呢個時間，我同大佬都話要洗晒 d 台幣！

我地先去左食野，跟住搭電梯上到十一樓，再逐層逐層行返落黎，Lisa 終於都買得齊佢既 "愛情白皮書" 漫畫 ~~

行完晒，仲有百幾蚊台幣，我地就入去超級市場用晒佢，我留返一個一蚊台幣比彥霖 ~~~~~ 做紀念 ~.~"

入到超級市場，比我發現到一樣好得意既野，就係兩個水樽上面，有總統候選人一號同二號既公仔，仲要係"可愛版"

，所以就買左，不過好重！

行到夠鐘，我地就上返車，去機場 lu ~~~

o係車上面，開頭都係領隊粉人講野，我都唔會覺得眼訓，但係之後到林叔一講，我又想訓覺啦，真係好神奇 ~~~ ^^"

去到機場，我地坐 o係度等果時，粉人二號亮叔叔過黎同我地傾左一陣計，佢話大佬成日都窒佢喎，不過應該係佢唔

習慣，我同 Lisa 都已經慣左，因為我地冇骨氣、成日都任人串！^^"

跟住入左閘，去到候機室，都仲有成個鐘頭，我地又繼續傾計，仲交換左電話同 ICQ，Lisa 仲 o係呢個時候，爭 d 比

領隊粉人知道左我地叫佢做粉人，Lisa 蠢到死 ~~~ 因為咁，我同大佬又喪笑 ~~~~

今日個飛機餐又係唔好食既 ~~~~~ ！>.<"

食完野，我地同坐我地後面既 Debbie  同前面既家晴玩遊戲，玩返我地中六中七時成日上堂玩果 d，"拍七"、"go back jump"、

"邊個偷左雪櫃裡面果個大西瓜"，仲有一個大佬聽返黎既遊戲。玩下玩下就夠鐘落機 lu ~~

落左機，拎返我地既行李，我地都好攰好攰 ~~~ 拎行李果陣先知道原來亮叔叔同我住埋同一條村，好搞笑 ~~~

玩左幾日，諗起聽日要返學真係............................

Lisa 去左搭機鐵，我同大佬去搭巴士。

原來我仲未黑完，我搭錯左巴士，攰到喪左。去到九龍塘先隱若覺得自己可能搭錯車，但係架車去到九龍灣我先落車。

拎住 d 好重好重既行李，又唔知去邊度截的士，電話又冇電，唯有行過行人天橋去搭巴士，好驚已經冇晒車~~~~~

落左車，終於返到屋企附近，拎住 d 野過左馬路，睇到細佬行過黎，我真係攰到想喊，又覺得自己好可憐喎 >.<

細佬仲幫我拎晒 d 野，我就一路行，一路將我既黑仔野話比佢知......

四日三夜玩完 lu ~~~~~ 原來跟團玩都好好玩，有好好既領隊、導遊同埋團友，其實都黑唔晒 ~~~好開心 ~~~~ ^^

好想快 d 可以再去旅行！！！

~~~~ 最後一日完 ~~~~