3 OCT 4:00am 鬥牛梗-- BB保妳大...

岩岩一個月之前..失眠中打左一篇"牙痛"..自考試之後隻牙就無痛啦, 不過而家再次失眠><事關Petrol大人要起身屎屎尿尿, 鬼哂咁曹係都要叫到我起身為止, 原本今晚真係決心成晚由得佢叫到天光, 不過諗諗下如果唔理佢, 聽日佢可能會成身屎屎尿尿=,=點都係比佢曹住訓唔到, 好心既我就陪下佢啦. 而家仲係我隻腳度訓到..唔知點形容..Petrol仔黎左3日, 表現都ok啦~ 佢要人陪佢訓覺係好正常, 雖然我呢3日都唔知加埋有冇訓到10個鐘, 不過算啦. 我望狗成龍麻, 希望妳快d大個仔獨立下唔駛我陪妳訓, 做一隻型仔鬥牛梗~ 而家真係好想好想快d帶妳出街, 可惜妳而家得腳板咁大=.=

***Winnie小姐, 我比哂面妳隻wo wo啦. 不過隻鬥牛仔仲係細, 就下佢啦, 本人代表Petrol仔奉獻一句.."不便之處, 敬請原諒"..

PETROL小檔案--

SEX: Male

生日: 10/8/2003

顏色: Brown + (四隻腳仔白色)

狗種: Staffordshire Bull Terrier X

性格: High Intelligence, Tenacity, Trustworthy Stability

14-9-2003 11:00am--抄車!!

尋晚既經歷, 抄個一刻既畫面, 我呢世都會記住...話說尋晚諗住成班fd出去玩, 點知比police見到我地飛車, 我地為左逃避police既追捕,,點知係一個彎度抄左, driver比孖葉鎖住, 好彩個個人都無事無傷...係得我一個爆缸.....><仲要聯左4針....police話如果我地再快少少我地命仔難保喇... 事關抄個度係一條彎位天橋, 再快d我地就會飛落橋底...經過今次之後, 我再一次十分抗拒坐人車, 仲要係drunk driving!! 我今次算好好好彩. 而家諗起都驚..係度我奉獻大家一句, 坐後面要帶seat belt同埋唔好坐飲完酒既人車!

13-9-2003 Drean屋..

一份又一份既功課之後, 又黎考試. 雖只得兩科, 但係壓力比之前既多! 因為兩科都係煞科, 真係多加一份緊張..真係好想快d考完去玩, 快d去搬, 好想轉個新環境, 好想屋企有一個可以bbq既地方, 好想屋企又平又靚, 仲要full furniture, 唔要地毯因為狗狗會尿尿, 好想要全木板地, 屋企全部都係IKEA野, 好想買ikea個set廚具, 好想要係garden city見到個set紅酒杯, 好想買座地式煙灰缸, 好想要部黑色機箱既desktop, 好想toilet有浴缸, 好想要boardband, 好想air-con&heater..快d考完啦!

3-9-2003, 5:20AM--牙痛...!!!

終於做完份management, 不過牙痛又發作, shit!!次次一開夜同埋通頂都痛到訓唔到覺, 神經錯亂, 神智不清!都唔知係唔係以前蒲得太多蒲到d神經有問題..飲唔到凍水, 仲要用熱水擦牙, 用唔到左邊飲野, 又用唔到右邊食野..因為右邊生智慧齒! 妳話慘唔慘, 邊個夠我牙痛痛得咁慘!!!

At the break..

日子過一日又一日, 就快又考試, 考完試又放假囉, 諗起都開心!! 搬屋, 入YEAR2, Sydney!!!嘻嘻哈哈哈.諗諗下個break都幾多野做架, 又要去搞visa, 考埋個牌, 唔記得一樣都唔掂. 黎左呢度做咩都慢左半拍,以前諗都想做既野好快會去做, 而家諗到都懶去做, 講出黎都無用, 做到先打出黎啦, 唔係人地就話我得個講架喇.

31 - 8 - 03 留學生活--

黎左澳洲咁耐,都未試過係澳洲過整整既一年,成日番香港都番到有d悶..雖然好掛住d朋友, 但係次次番到去都有d格格不入,發生咩事都好似唔關自己事,香港d事都好似與我冇關.所以我決定十月唔番去lu~ 唔知一年之後妳地會唔會覺得我大個仔左呢???呵呵..下次番香港都應該係再下年既聖誕.

火星--

有晚走左去露台望望個粒火星, 都冇乜特別o者, 未又係星一粒. 不過紅紅地黃黃地又幾得意既. 係澳洲睇星星好好feel架, 因為澳洲個天空低過香港個天好多, 月亮都好大個, 點解我就唔多解釋喇, 簡單d講就係: 香港同澳洲係地球位置唔同, 海拔高度都唔同, 所以天空既距離就有唔同啦. 呢d都係我個人見解, 唔同意可以bend我架. 今次火星黎得咁近, 會唔會有d唔lucky既野發生呢..係好係壞, 我就唔知啦, 不過我已經對佢許左個願.

30 - 8 - 03 Intro--我看自己

我想都想左好耐, 一直都想寫一個網頁出黎只係有文字, 無相無圖無wallpaper, 因為打語法打到我想死, 又唔想去寫日記, 我知我寫寫下又唔會去寫, 因我唔係一個好有規律既人, 又唔可以話我係做咩都係3分鐘熱度, 有人話過我我係一個典型GEMINI, 花心, 多心, 分心..其實我都覺得幾典型架,哈哈~我做咩都唔可以一心二用, 一定要一件事還一件事, 好似我打機時,我會聽唔到妳叫我, 講電話我睇唔到電視, 溫書我聽唔到歌><兩樣一齊做我就會乜都做唔到架啦.. 有時對人可能會無啦啦無feel我就會180度大變, 人地話呢d叫花心, 我又唔覺, 起碼我真係有好認真過..可能我能耐比其他人低. 不過當我真係鍾意一樣野既時候, 我真係會放哂個心落去.其實我都唔知點解我會可以突然之間對一個人無哂feel, 可能我一路對人都係單靠感覺..我好容易對新既事感興趣,有新我就唔想要舊(我唔係講緊對人), 可能係3分鐘熱度既原因! 講左咁多野其實我都摸唔清自己係一個咩既人..呢段intro我諗好多人都唔認同, 不過我諗左好耐喇,見仁見智啦!

Info--

NAME: Wilson Wong

AGE: 20 (唔經唔覺)

BIRTH: 2nd, June

HOBBIES: Cycling, Fishing, PS2(Winning Eleven) & XBOX, SingK, Snooker, RedWine

ADDRESS: Fairview Park Yuen Long/ Wembley PERTH

EMAIL: ww2000cm@hotmail.com

SINGER & ARTIST: Kelly, Stephy, BoBo, Amanda, Bec Cartwright, Delta Goodrem, Boyzone